馬浚偉個人演唱會正式開鑼 藝術融入演出獨唱廿多首經典作


無線娛樂新聞台報導：馬浚偉 籌備多時結合藝術形式舉辦嘅演唱會，一連6場演出呢晚正式開鑼，唔少圈中好友好似 劉德華 周慧敏 蓋鳴暉 都都送上花籃祝賀，而 向海嵐 梁思浩 梅小青 同 李思蓓 更加親身到場欣賞。馬仔一開場就連唱多首經典歌曲，為表演拉開序幕。 馬仔完場之後接受傳媒訪問，仲話多謝偶像周慧敏、仲有華仔送上花籃支持呀。呢次演出以四季為主題，以唔同視覺效果令觀眾猶如身歷唔同季節，不過馬仔就指綵排時抬頭食足唔少泡泡，到正式演出學乖就避開喇。 佢又指今次演出會投入喺戲劇世界當中，所以會同觀眾甚少互動，呢日馬仔就話希望入場觀眾明白同理解喇。雖然疫情過去，不過唔少歌手都習慣開騷前閉關減少非必要接觸，不過馬仔就反其道而行，開騷前成個月已經連口罩都唔戴，不過就好彩完全冇事呀。