陳蕾早前橫掃多個樂壇頒獎禮，今年3月舉行的首個紅館演唱會《念》，3場門票一開售即秒殺，一票難求。 今日大會宣布加開3月2日一場作為首場，合共開4場，門票在本週五(26日)於城市電腦售票網公開發售。 陳蕾表示：「本來真係冇期，得3場，但運氣不錯啦，突然又收到通知話有時間俾我前，咁同公司研究過之後，又不想俾自己咁大壓力，所以 決定加開多一場。」


對於許多歌迷仍撲不到飛，黃牛飛開天殺價，陳蕾坦言：「我真係好知出面情況呀，咁今次可以加開，希望令大家有再多啲空間去買到我 個演唱會。確實有內部認購時，我張海報都仲未出街，就已經爆咗！我好多朋友喺我出咗演唱會poster後，先嚟問我訂飛，我一張飛都幫不到 佢哋，依家加多場，對我嚟講某種程度上都係好事，我終於可以有少少飛俾自己嗆朋友，可以睇到我嘅第一次紅館演唱會。」雖然3月才開 騷，但陳蕾已開始閉關，投放全副精神為演唱會作準備，問到演唱會內容，她笑言無可奉告，「入嚟睇啦，嚟到咪知囉！祝大家26號買到飛 啦！」