陳奕迅被野生捕獲　激凸「飛釘」引網民爆笑


歌手陳奕迅 (Eason)早前忙於喺北美開騷，創下了首個華人歌手於北美洲Arena開6場演唱會嘅記錄。最近已經返港休息嘅佢，畀唔少網民偶遇。其中有網民喺中環偶遇佢，並喺社交網晒出佢哋合照，高呼「家人們，我出息了！」只見相中佢企喺兩位女粉絲中間，一身休閒打扮，綠色短袖衫搭配藍色短褲，笑容滿面與粉絲合照，非常親民，不過最惹人注目嘅係，略微緊身嘅衫令佢激凸飛釘。貼文一出，隨即引嚟網民熱議，有網民將佢腳下嘅坑渠蓋睇錯成佢條褲：「我以為坑渠蓋是他褲子掉了！」，更有網民表示佢撞樣劉松仁：「不好意思，一開始我以為劉松仁」十分搞笑！