「兄妹」Jam歌 Serrini多得許冠傑創先河


歌神許冠傑（Sam）7場演唱會邀請了不同的嘉賓，前晚有唱作人Serrini，介紹她出場時，阿Sam說：「廣東歌需要承傳，每個年代都有啲好出色嘅歌手，最近我好欣賞一位新嘅創作歌手，佢同我都有共通點，就係識作曲同填詞，佢仲係我港大嘅學妹，佢首《油尖旺金毛玲》同我首《尖沙咀Susie》有少少異曲同工。」兩人隨即合唱這歌。


Serrini多謝Sam請她做嘉賓，她的爸爸媽媽特別來捧場，Serrini笑言現場觀眾應該不認識她，會懷疑點解有個看似好生養的女生在台上出現：「我爸爸好鍾意你啲歌，成日話你啲歌好似我啲歌名，因為有你呢個先河，我唔覺得我啲歌名古怪，我鍾意寫咩都可以。」她又說：「其實香港大學有個課程，每次頭幾堂都係談Sam你嘅作品，你係我哋香港好重要嘅Legacy。」