李克勤演唱會2023｜李克勤相隔6年紅館開騷兼再合作香港管弦樂團 率先預告有猛料嘉賓！（演出詳情/票價/優先訂票/公開發售/座位表）


【2023年李克勤紅館演唱會】歌手李克勤相隔6年宣布再於紅館開演唱會，《AXA安盛presents 弦續李克勤‧港樂演唱會》將於今年5月13至16日舉行合共4場，近日克勤更與近60人大樂隊合作拍海報，認真大陣仗！今次更是克勤相隔廿年再與香港管弦樂團合作紅館演唱會，友情和默契亦隨歲月提升。他更率先透露其中一晚請到一位來頭「好猛」的嘉賓，相信會引起樂迷好奇心！演唱會將於3月22日起優先訂票，3月29日公開發售。

克勤笑著說：「影海報當然心情係極度興奮，好大陣仗呀今次，人多勢眾，覺得好熱鬧，好開心，回想返對上一次合作，已經係20年前。當年我只係7、8歲啦，哈哈哈......個種感覺係，你識個朋友二十年，再一次合作，大家無論係感情、功力上都有升華。今次張海報主要係想表達呢個騷，主要係要話俾大家知，音樂可以有好嚴肅一面，亦可以好輕鬆快樂， 個騷好認真做亦可以好好玩。」


是次挑選西裝拍照，克勤謂都是由老婆負責揀衫：「我拆開個衫袋，以為自己帶少左襯衫，點知打俾老婆，佢話：你識咩，總之入面真空啦，乜都唔駛著，係咁先靚。老婆話乜就乜啦…...覺得入面涼浸浸咁。影個陣有工作人員竟然提我，李生你走光呀！哈哈......麻甩佬都有人提走光，我覺得好好笑。」


克勤又謂，疫情之後，相信每一個對音樂有憧憬的歌手，都等到頸長，好恨再一次紅館做騷：「今次個騷，我希望歌迷觀眾可以多些參予，所以其實已經係社交媒體上面，叫歌迷留言俾我，想聽咩歌，大家同我一齊揀，我地會以最勁管弦樂團合音樂，重新編排，最正視覺效果，帶比大家震憾的音樂盛宴，「我發覺我好多經典歌，同管弦樂真係係夢幻聯動，經過管樂演奏，首歌氣質會變得非凡，並且震憾。我地已經開始籌備緊好多新元素係個騷入面，呢輪日日開會，為個騷拍攝影片咁，都好忙下，自己操練就都係咁上下，我不嬲都大量運動，唔係打波就踢波，所以都唔駛點狂操。」


問到演唱會會否有特別嘉賓，克勤就笑道，「有。其中一晚重會有一個來頭好猛嘉賓添，就睇下大家買飛買唔買得中啦。」


李克勤紅館演唱會2023｜演出資訊及門票詳情

《AXA安盛 presents 弦續李克勤‧港樂演唱會》


日期：2023年5月13-16日


時間： 8:15PM


地點：紅磡香港體育館


票價：$980 / $580 / $380


恒生Mastercard獨家優先訂票：2023年3月22日起


公開發售：2023年3月29日起