李克勤演唱會2023｜嘉賓+座位表！終極加場紅館共開7場


李克勤演唱會2023加場門票購買方法！李克勤與香港管弦樂團合作的「弦續李克勤‧港樂演唱會」原定於5月紅館舉行4場演唱會，早前已宣布加場2場共6場，但仍火速爆滿，李克勤演唱會現宣布終極加場5月20日！有關李克勤演唱會門票價錢、優先購票、公開發售日期及座位表等詳情一文睇清！李克勤演唱會終極加場門票可於5月3日購票，絕對要Bookmark定此文，增加搶李克勤演唱會飛的成功率！


李克勤演唱會2023｜紅館個唱終極加場！共開7場 李克勤將聯同香港管弦樂團合作，原定於5月13至16日假紅磡香港體育館舉行演唱會，繼日前宣布加場2場，李克勤演唱會再次加開5月20日終極尾場！是次是李克勤相隔與香港管弦樂團20年後再次合作，亦是李克勤闊別6年，再踏上紅館開個唱與歌迷見面。李克勤更希望是次演出歌迷觀眾可希更多更大的參予度，故已經在社交媒體著歌迷留言，了解大家想聽咩歌，可以一齊揀歌，並以管弦樂團合音樂、重新編排，帶來震憾的視覺效果及音樂盛宴：「我發覺我好多經典歌，同管弦樂真係係夢幻聯動，經過管樂演奏，首歌氣質會變得非凡，並且震憾。」


李克勤演唱會2023｜透露將有驚喜 李克勤近日積極為演唱會籌備及開會，表示是次演唱會可以說是一個聯合國式音樂及友情上大交流，因為香港管樂團的朋友，來自五湖四海，首藉指揮是菲律賓人，吹小號是泰國人，另外又有英國，法國、及日本、香港等樂手。其中一次開會，就是與菲律賓藉總指揮謝拉特．莎朗嘉 GERARD SALONGA在哥爾夫球場開會，一路打波一路傾音樂：「呢幾年好少有時間落到場打哥爾夫，所以個日真係開心到不得了，同埋好意外，佢唔止叻音樂，佢打哥爾夫都一樣咁叻。然後同圓號( Horn)李少霖及李太胡淑徽一齊上左山頂，佢兩個嘅愛情故事，直頭可以用來拍部戲，兩個係遠矩離戀愛始祖，十幾年來談情係靠書信神交。佢地有問我有冇寫過情信比老婆，我話梗係有啦，佢地互相寫左幾百封情信。我重有寫過情歌《妳是我的太陽》送 比老婆添。」李克勤又指，第一次演唱會籌備工作會如此歡樂。李克勤解釋指，當日去哥爾夫球場是為了拍攝一些特別的影片，屆時於演唱會中穿插，為觀眾帶來歡樂，保証大家會覺得好得意；亦透露今次舞台設計都非常特別，希望大家入場會有驚喜。


李克勤演唱會2023｜新歌《弦續》編寫與香港管弦樂團的友誼 李克勤特意為了今次演唱會，錄了新歌《弦續》，編寫與香港管弦樂團再度攜手合作的友誼，亦描寫大家人生之中，每階段與隊友久別重逢的珍惜。 《弦續》MV日前已釋出，歌曲MV以「散聚有時」為基礎，並以婚禮現場及教堂追思會作為兩大場景；李克勤又指MV中有很多大家熟悉的面孔出現，「呢個MV其實係講曾經一班友，大家一齊玩音樂，但經過咗一段時間後，就各有各嘅生活，可能有啲已離開咗香港，甚至離開咗呢個地方，又或者有唔同嘅人生經歷，過咗咁多年後又再聚埋一齊嗰個感覺，好濃厚嘅人情味。所以其實咁多人拍攝係好開心，同埋需要一啲好出色嘅演員去做，最開心邀請到袁富華演出，佢之前拎過金像獎、金馬獎男配角，亦都提名過金馬獎最佳男主角，仲有駱振偉同蔡潔就係飾演一對新婚夫婦。」


李克勤演唱會2023｜嘉賓 李克勤透露今次演唱會將邀請特別嘉賓出席，而其中一晚的嘉賓來頭好猛：「睇下大家買飛買唔買得中啦。」由於李克勤做了兩屆中國好聲音冠軍導師，所以今次開騷，李克勤也會邀請他的冠軍學生們聚聚，分別是中國好聲音的梁玉瑩、伍珂玥。至於外傳朗朗也會出現，克勤就笑言郎郎會是其中一場嘉賓，但那一場就賣關子先不講。至於其他表演嘉賓，將為你持續更新。


李克勤演唱會2023｜拍攝海報感溫馨歡樂 李克勤表示已經與香港管弦樂團籌備了許多新元素於是次個唱中。日前，拍攝演唱會海報亦非常大陣仗，由於李克勤希望與港樂近六十人大樂隊一起拍攝留念，所以大會特地移師到演奏廳進行，由早影到傍晚。而與香港管弦樂團相隔20年後再次相逢，所以海報設計上亦沿濃濃友情出發，用兒時玩具帶出由細玩到大的溫馨及歡樂。單是海報上見到平日總是西裝骨骨、正襟危坐的管弦樂團，個個都像小朋友一樣拿著玩具，與李克勤你打我鬧。光是海報都已感受到這是一個繽紛歡樂的演唱會，李克勤更指：「影海報當然心情係極度興奮，好大陣仗呀今次，人多勢眾，覺得好熱鬧，好開心，回想返對上一次合作，已經係20年前。當年我只係7,8歲啦，哈哈哈….. 個種感覺係，你識個朋友二十年，再一次合作，大家無論係感情、功力上都有升華。今次張海報主要係想表達呢個騷，主要係要話俾大家知，音樂可以有好嚴肅一面，亦可以好輕鬆快樂， 個騷好認真做亦可以好好玩。」


至於是次所拍攝的西裝服裝，都是由李克勤負責揀衫：「我拆開個衫袋，以為自己帶少左襯衫，點知打俾老婆，佢話:你識咩，總之入面真空啦，乜都唔駛著，係咁先靚。老婆話乜就乜啦…覺得入面涼浸浸咁。影個陣有工作人員竟然提我，李生你走光呀！哈哈….麻甩佬都有人提走光，我覺得好好笑。」


克勤演唱會2023｜公開騙徒號碼防粉絲受騙 近日有騙徒冒應李克勤主辦單位公開招聘員工及助理，指李克勤演唱會聘請工作人員，薪金每小時100元，晚上於紅館上班，還有付上聯絡電話，李克勤提醒大家，千萬不要相信這些招聘，與主辦單位並無因為演唱會招聘任何線上線下助理，又指曾經有人用假帳號於IG上DM他的一些朋友或fans，問他們借錢，幸好他的朋友及fans都非常聰明，沒有上檔。所以網上不明來歷信息千萬不要誤信，並請大家認住90740728、61454962這些騙徒號碼：「一見到就block左佢啦。」 李克勤演唱會2023｜將會開巡迴演唱會 李克勤表示完成香港演唱會後，緊接著舉行巡迴演唱會：「會移師唔同嘅地方去做，希望去到你屋企附近啦，你又會嚟支持咁啦。」「會移師唔同嘅地方去做，希望去到你屋企附近啦，你又會嚟支持咁啦。」