李克勤久違六年再踏紅館開唱　透露將有重磅嘉賓


李克勤久違六年再踏紅館，定於5月13日至16日舉行《弦續李克勤‧港樂演唱會》，門票於本月22日優先訂購、29日公開發售。為隆重其事，克勤和與港樂近六十人大樂隊特地移師到演奏廳拍攝宣傳海報，並且由早上影到傍晚。


克勤與香港管弦樂團時隔20年再度合作舉行紅館演唱會，感情經過歲月增加了厚度，海報設計上以濃濃友情作出發，用兒時玩具帶出由細玩到大的溫馨及歡樂，平日總是西裝骨骨、正襟危坐的管弦樂團，也像小朋友一樣拿着玩具，與克勤你打我鬧的神態，已經感受到這是一個繽紛歡樂的演唱會。克勤笑着說：「影海報當然心情極度興奮，今次好大陣仗，人多勢眾，好熱鬧，好開心，回想返對上一次合作，已經係20年前，當年我只係7、8歲，哈哈.... ..感覺係識個朋友20年，再一次合作，大家無論係感情、功力上都有升華。今次張海報主要係想表達音樂可以有好嚴肅一面，亦可以好輕鬆快樂， 個騷好認真做亦可以好好玩。」


是次挑選西裝拍照，克勤謂是由老婆負責揀衫：「我拆開個衫袋，以為自己帶少左襯衫，點知打俾老婆，佢話你識咩，總之入面真空，乜都唔駛著，咁先靚。老婆話乜就乜......係覺得入面涼浸浸咁。影相個陣有工作人員竟然提我，李生你走光呀！」


克勤又謂，疫情之後相信每一個對音樂有憧憬的歌手都等到頸長，好想再一次紅館做騷：「我希望歌迷觀眾可以多些參與，歌迷可在社交媒體留言想聽咩歌，同我一齊揀歌，希望帶俾大家震憾的音樂盛宴，操練方面，我一向都做大量運動，唔係打波就踢波，所以都唔駛點狂操。」克勤透露其中一晚會有一個來頭好猛的嘉賓！