張敬軒開騷在即怕染疫　封舖參觀大陣仗


歌手張敬軒前日（31日）和歌手洪助昇、楊天宇及黎峻（Kenneth）出席活動，由於主辦方得知軒仔開騷在即，為安全起見特意封舖，安排只讓他單拖在店內參觀以防疫，現場守候的過百歌迷亦帶上口罩並高呼：「我哋會好好保護你」。軒仔說：「冇諗過會為我封咗間舖，真係受寵若驚，十分感恩。今個show唔可以再有事，要以身體為先。」他也不忘大讚現場的歌迷：「雖然佢哋平時會成日mean我，但其實佢哋好乖，適當時候做適當嘅嘢。今日天氣咁熱，雖然係喺室內有冷氣，但佢哋都嚟支持，真係好多謝佢哋。」