張敬軒獲已婚女粉示愛　關心其丈夫：你真係唔介意被派帽？


歌手張敬軒（軒仔）一連3晚在澳門舉行的演唱會圓滿落幕，在第2場中，軒媽也有來捧場，全場粉絲高呼「奶奶」，搞到軒仔大叫「黐線」，他又自爆媽媽每晚都會煲壯陽湯給他補身。


而在尾場，有歌迷舉起軒仔半裸上身的照片，軒仔搞笑謂：「我見你舉咗一晚，係咪可以放低呢？我驚你肩周炎呀。你係唔係會送畀我？等我化咗佢。」完場時軒仔換衫Encore時卻發現無拉褲鍊，他即時走到台邊整理，並笑言：「冇辦法，太驕人嘞！」歌迷即時大嗌「除褲」，令他哭笑不得。


而在互動環節上，不少歌迷向軒仔示愛，有歌迷早上結婚，晚上來看騷，除叫軒仔老公外，又表示自己老公姓張，嚇得軒仔掉頭走；又有已婚粉絲手持寫上「我真係愛你多過愛我老公。」的紙牌