張敬軒送飛吻派心冧暈粉絲　落區拉票喪食檸檬


歌手張敬軒、楊天宇及鍾雪今晚（12日）出席品牌活動，吸引半百粉絲到場支持，軒仔不斷向粉絲送飛吻及派心心，引來歌迷表示：「好靚仔呀，我暈喇！」當見到軒仔孭住一個手袋，有粉絲又說：「可唔可以孭埋我？」軒仔則搞笑謂：「我有肩周炎。」


軒仔表示下星期會為叱咤頒獎禮「我最喜愛的歌曲 」《隱形遊樂場》拉票，他說：「因為今個星期要開騷，為免與人群接觸，所以未來不再落區拉票。（有信心？）年年都係我最喜愛歌手或歌曲變數係最大，勁敵係自己，因為突破自己最難，自己努力時，人哋都努力，所以平常心。」他又指落區派傳單拉票很好玩，卻又經常被請「食檸檬」，他說：「唔親眼見啲人唔接你張傳單都唔知係咁，我以前都會掂行掂過唔接，今次食好多檸檬，以後都應該要有善意去接。（覺得不是味兒？）係有少少尷尬，亦因為咁令我有動力拉票，因為見有粉絲拖兒帶女去為我拉票，我都想盡量去做。」至於對攞「我最喜愛的男歌手」獎有沒有信心？他說：「冇答好多年，今年就答有，尹光係大熱，但我都唔弱㗎，因為粉絲有好多支援。」