張敬軒「最喜愛男歌手」未敢放鬆：眼見好多嘢不算真


張敬軒（軒公）今日（4/1）現身金鐘出席普名品牌活動。 軒公苦等十年再度奪得《叱吒樂壇頒獎典禮2023》「最喜愛男歌手」獎，他透露將會設街站謝票，多謝有份投票他的選民：「新嘅一年對我嚟 講係開咗一個好好嘅頭，但一如我喺台度咁講，都係新嘅開始，如果你問我，嗰晚返到屋企望住個獎杯，我都不覺得有一種好踏實嘅感覺 ，我諗我由細到大出道咁多年，我都係活喺危機感當中，所以到2024年我係要做到呢個杯係實至名歸。（你敢放鬆？）因為你問我 ，其實我又好，我盡量畀自己喺呢個行業要保持最清醒嘅狀態，因為我哋眼見好多嘢唔係真嘅，就算我今次攞咁多嘅票數，或者我最後攞到呢個 杯，的確係有其他嘅歌手嘅歌迷，當佢哋嘅歌手冇入選五強之後，變咗會有啲遊離票畀咗我，咁變咗我最大程度要做到我最喜愛。」