大離婚日舞台劇2023｜林日曦主動問田蕊妮合作


田蕊妮於社交平台表示，林日曦詢問有無興趣合作：「有一日，有條友仔打俾我，問我如果有個獨腳戲講夫妻關係嘅，你有無興趣做？我無答佢。條友仔又問我過嚟日本好唔好？我都無答佢。條友仔話買張機票俾你啦，我都係無答佢。」結果田蕊妮去咗日本，一落機就喺茫茫人海中見到林日曦揸住花，仲攞住個handmade嘅牌喺度等佢，又指：「我好驚，立即想掉頭走，點知發覺佢幫我訂嗰張機票係冇得改日期㗎 ！救命呀！」