香港劍擊運動員蔡俊彥（Ryan）在東京奧運表現出色，為港隊爭取佳績，為不少香港市民所認識，加上他不時開IG直播跟網友傾偈分享運動員生活，仲會唱歌展歌喉，令他吸納不少Fans。近日Ryan在IG po廣告貼文，跟女朋友一齊Sell智能用品，「官宣」出Pool拍拖，對方亦是香港女子劍擊花劍代表鄭曉為，兩人志趣相投夠晒夾！


這貼文一出，運動界的好友們即時留言起哄，亦有不少粉絲話早就估到，大家都大讚鄭曉為似郭晶晶，並視福Ryan幸福，「拍拖加運動，仲要一齊去巴黎奧運呀」、「估估吓！終於拍住上啦」、「你同太太好襯啊」、「結婚！結婚」、「官宣？Congrats」等等。


同門師兄弟張小倫、吳諾弘、崔浩然等都有畀Like，至於曾經是Ryan大學室友的MIRROR成員呂爵安（Edan）都有Like恭賀好友。仍然聲稱單身的Edan轉頭就入錄音室錄新歌，更搞笑用上喊喊表情的濾鏡拍片，非常逗趣，不少粉絲都話認不出Edan，他留言預告：「錄音的模樣！正式宣布，E式情歌要回來了！7月見 #係咪好想聽呢 #我都想快啲畀你哋聽 #又可以估吓今次歌名有幾多個字 #下次開估」。粉絲都留言表示期待。


MIRROR十二子忙於籌備快將舉行的個人及團體演唱會，加上電影、電視劇拍攝，絕對係忙到爆！Edan早前忙於拍攝《社內相親》電視劇，現時又準備新歌，忙到咁唔知有冇時間追女仔拍拖？入行以來，Edan只有跟袁澧林傳過緋聞，不過雙雙否認此事。到時Edan出Pool會唔會好似Ryan一樣咁公開認愛呢？