關心妍紅館再開騷　辦慈善福音演唱會


關心妍（Jade）一年內在紅館兩度舉行演唱會，她在節目《StarTalk》中、與主播許文軒談即將舉行慈善福音演唱會感受：「相隔唔夠一年再喺紅館開騷，自己都估唔到，今次係用自己嘅『妍亮生命慈善基金』入紙申請紅館，個唱係以福音歌為主，其實福音歌係愛嘅傳遞、能洗滌心靈；仲要明買明賣，講到明未必有你哋想聽嘅慘情歌，但都會演繹一啲流行歌曲。我亦會請自己好欣賞以及有共同信仰嘅歌手擔任嘉賓，但每位嘉賓只唱一首，唔想變咗個雜錦演唱會。」


Jade於2009年出過一隻福音碟為正生書院開騷籌款後，一直未有再做：「因為我唔想用福音碟賺錢或變成商業，想等到一個合適嘅機會先至再做。直至呢幾年自己有咗慈善基金，覺得需要有一啲洗滌心靈同正面嘅歌，已錄好咗幾首歌，撞啱今次開演唱會，所以用咗其中一首用自己真名命名的歌《再見關惠文》變成今次演唱會主題曲。」