關心妍自爆曾想輕生　全靠信仰走過低潮


歌手關心妍（Jade）近日現身網上平台分享信仰，她表示曾經因為愛情而沉淪過一段時間：「我唱嘅慘情歌都係真，因為我係單親家庭，拍拖時我會以為呢個人係我嘅唯一，分手就覺得係世界末日，當時我真係想了斷自己，好在我哥哥帶我去咗團契。」此外，Jade就講到曾在娛樂圈經歷低潮：「入行後好幸運，出道2、3年就好快有人氣，仲開咗第一個紅館演唱會，但開完演唱會就經歷咗事業低潮，突然之間完全冇晒工作，當時好灰心同自卑，因為冇錢畀家用，唔明白點解由事業上高峰突然跌落嚟，我每天都喊，嗰刻覺得自己好冇用，所以難過。」


她續稱在低潮時收到一個電話，邀請她到一個基督徒音樂營上唱歌：「我唱嘅歌係《愛是不保留》，我上到台就開始喊，嗰一刻我唔係因為自己冇用而喊，而係搵到自己嘅人生目的，突然有好多感受同領悟，可能娛樂圈暫時唔需要我，但可能喺其他地方我可以發揮自己嘅作用。」她自言從此《愛是不保留》就成為人生轉捩點的一首歌曲，並開始去了很多地方作探訪。