方皓玟自爆有人追 隨時再墮愛河


歌手方皓玟、陳健安（On仔）前晚跟姜濤、Anson Lo同場演出，方皓玟對粉絲淋雨欣賞其演出大表感動。她透露最近忙為囝囝搵小學，最終揀了國際學校，又指囝囝熱愛唱歌，甚至識作歌：「佢完全唔怕醜，係社交大使，我只係擔心佢好快拍拖，已經有同學仔話鍾意佢，佢書包成日有小禮物。」提到感情生活，她笑言：「有兩、三個可以考慮，只要啱feel隨時可再出發。」


而On仔剛推出新歌《繼續繼續》，獲不少粉絲支持。他坦言當年單飛發展時試過處於低潮：「一齊做嘢好多時都係一個團隊，已經習慣單飛時單飛，C AllStar時就係C AllStar。」