容祖兒演唱會丨自爆要「打開胸圍」搵男友 公開擇偶條件只得三個普通要求


容祖兒一連34場演唱會繼續舉行，在昨晚（13日）第19的talking位，容祖兒罕有開黃腔，事源容祖兒講到好多朋友戥佢感情著急，「佢哋成日話，我再唔搞就冇得生㗎喇！」觀眾大叫：「點搞先？搞咩先？我喺到呀！結婚啦！」引爆全場笑彈，容祖兒聞言忍笑答道：「唔係呀！即係『搞掂』佢呀，哈哈哈，呢度好色情呀！」


隨後容祖兒自爆擇偶條件：「其實我要求好簡單，只係希望對方五官端正、身家清白、有頭髮，點解咁難搵？所以我覺得一定係我心態問題，於是我同自己講，唔好諗咁多啦，打開個胸圍……打開個胸懷先係，哈哈哈！」引發全場大笑。


最近好多歌迷都指容祖兒太瘦，叫她要多吃點東西，她說：「而家51公斤，係5年前做《Pretty Crazy演唱會》個磅數，好Crazy！」容祖兒自爆冇特別節食，每日食足早午晚3餐同下午茶，完騷後回家仲有媽咪準備嘅消夜，現在最重要是身體健康。


星期五（18日）容祖兒會同步為她的善慈基金籌款，於18日至20日期間，在演藝學院舉辦《容祖兒善慈義賣會》，連同身邊的好朋友一起進行斷捨離，把用過一次半次，甚至沒用過的新衫、褲、鞋、手袋、飾物等，拿出來義賣籌款。所有收益將作容祖兒基金會日後慈善用途。