男圑MIRROR今個月將舉行巡迴演唱會，由香港開始於上半年先後到亞洲、歐洲及北美共9個城市舉行巡唱，幾咁威威！不過2024年未開騷，佢哋已經多多搞作，好似早兩日就已經推出全新圑歌《Rocketstars》，今日（5日）Lokman、Alton、Frankie、Tiger更各自有新歌派台，同步首播益「鏡粉」。MIRROR官方專頁尋晚（4日）就已貼預告片，宣布以上4子推出個人作外，片中每人歌曲就搶先播出數秒，同時預告今個月姜濤同盧瀚霆都推出新歌。


早年網友將人氣高低去劃分隊員為「上弦」、「下弦」，今日曾被指為「下弦」嘅Lokman、Alton 、Frankie、Tiger將有出頭天，各自有個人首個Solo面世，即被網友視為「下弦」復仇者聯盟上位日，為人氣、實力大翻身。