盤點新生代六位小巨人男神，爆紅全靠才華？張天賦、林家謙入選


最近ViuTV再搞破格選美節目《肥美人》，旨在帶領大家欣賞同世俗標準唔同嘅另一種美！而觀眾反應還算捧場，有網民更加借題發揮，提議搞埋矮男神選舉，仲整理左唔少新生代藝人做入選名單！以下六位男神候選你又認唔認同？


張天賦係ViuTV選秀節目《全民造星II》嘅亞軍，2020年加盟香港華納唱片，代表作有《反對無效》同《記憶棉》，出道短時間已經人氣急升，被稱為「天才型歌手」聲底靚音域大，係參加比賽前完全未學過唱歌。


而現時唱功了得嘅佢年頭憑實力奪「叱咤樂壇生力軍男歌手金獎」，最近仲拎埋《Chill Club 推介榜年度推介21/22》新人金獎！


雖然MC無標準模特兒身高，但完全無阻佢成為時尚界嘅寵兒，濃眉大眼加上bad boy氣質，要型就型，要可愛時又有虎牙，靠顏值carry！男神稱號絕對當之無愧！


Tyson Yoshi本名程浚彥，係香港嘅rapper，代表作有以女友取名嘅歌《Christy》，2021年同林家謙、姜濤及柳應廷演出《拉闊音樂會風火雷電》，期間脫下上衣大show肌肉，人氣以幾何級上升，用爆肌男神稱呼佢絕不為過！


網傳音樂會宣傳嘅合照，拍埋176嘅jer隔離，Tyson Yoshi矮大約半個頭，所以網民就估計佢嘅真實身高大約168cm。


而最近有節目參觀Tyson Yoshi嘅豪宅引起熱話，睇黎Tyson Yoshi家境非常唔錯，雖然外形似花心壞男孩，但就超錫女朋友多次為佢護航呀，絕對係唔少人嘅理想型。


林家謙做左5年幕後，到2019年先出道成為獨立唱作人，隨便一首歌都可以係代表作，包辦作曲、填詞、編曲、和音、監製，係真正全能型嘅歌手，爆紅全靠實力，年初嘅叱咤樂壇流行榜頒獎典禮更加獲頒5個獎項，成為獲獎最多嘅歌手，無論做幕前定幕後，佢嘅音樂才華都受大眾肯定。


網傳嘅合照中佢似乎同Tyson Yoshi差唔多高，但有時又只係矮jer少少，所以網民就估計林家謙大約有172cm。


佢曾經提過自己外貌身高都唔算出眾，但其實唔少女性都鍾意衣著行偏文青嘅男仔架，加上性格比較沉默，用實力說話，難怪人人都愛家謙bb啦！


Frankie陳瑞輝係Mirror入面擔任門面同領舞，代表作有ViuTV電視劇《IT狗》Never一角。佢有網民公認嘅高顏值，係《全民造星》更因為係比賽中落淚，被網民形容為「喊得最靚嘅男人」、「神之眼淚」，到依家都令人念念不忘！網傳Frankie仲係超長情嘅好男人，有一個拍拖多年、同樣係舞蹈員嘅女朋友。