李克勤邀郎朗任限定嘉賓:歌迷真係好有福!


李克勤《弦續》港樂演唱會舉行第四場,請得內地鋼琴家郎朗擔任嘉賓,兩人合作《深深深》及《我不會唱歌》,震撼紅館1萬2千位觀眾,但這個「期間限定版」只此一日。記得


於2003年,李克勤與郎朗合作《我不會唱歌》一曲時成經典,至今仍是不少歌迷至愛,克勤特別邀請遠道而來的郎朗任嘉賓,台上克勤說朋友的定義是:「無論個朋友喺幾遠地方,一個電話,一個短訊,佢會搭好耐飛機、車返嚟,只做一晚演唱會嘉賓。呢個朋友好特別,佢唔識唱歌,但係佢係國際級。」


克勤續謂:「20年前我哋合作過一首歌,呢首歌唱到今日我仲唱梗。當我知道佢今日肯嚟做嘉賓,開心之外,亦感覺到個份誠意同友情嘅可貴。希望大家用最熱烈嘅掌聲,送畀我遠道而來嘅朋友郎朗。」


郎朗升上舞台後,開心跟大家打招呼:「大家好。」台下掌聲如雷,郎朗說:「非常激動,我仍記得我哋20年前第一次合作,今天再一起真的很激動。」歌畢台下歡呼聲不斷,克勤謂:「你哋今晚真係好有福,呢兩首限定版,係2023年,5月16號先有!」


演唱會舉行到第4晚,克勤依然是每晚除了花、禮物外,仍不斷收到利是,他笑道:「每場都收到利是,大家係咪覺得我個樣似屋企負擔比較重,多謝大家鼎力支持李立仁、李力司(克勤兒子)教育基金。 」有觀眾現場拿出銀紙,叫克勤過去收,克勤見狀即笑道:「你現兜兜攞啲銀紙出嚟就唔好,你攞個信封入住佢。」觀眾仍不放棄說:「唔得,唔得,老闆鬧我㗎!」克勤再安撫說:「仲有2個鐘呀,你搵啲嘢入住佢啦。我一陣再行過嚟啦。」引得全場大笑。台下捧場嘉賓有楊受成及太太,關智斌,陳家樂,葉璇等。