上周五除夕夜,旅發局除咗首次喺西九文化區舉行戶外大型「香港跨年倒數演唱會」,更喺倒數一刻於維港舉辦加強版「幻彩詠香江」,以璀璨煙火配合激光,加上首次加盟倒數活動行列嘅M+倒數時鐘,同港人一起迎接新年。Kelly都有睇網上直播,原來仲有逾百個海外傳媒平台直播或轉播,演唱會嘅全球覆蓋人次估計超過二十四億!
  「香港跨年倒數演唱會」由香港管弦樂團及多位人氣歌手,呈獻一場糅合古典樂與流行曲嘅精采盛會,向全球展示香港踏入新一年嘅盛況,並為香港特別行政區成立二十五周年嘅慶祝活動揭開序幕。
  除咗旅發局嘅網頁、YouTube頻道及facebook專頁直播外,活動合共吸引香港、內地及多個地區例如美國、加拿大、英國、德國、法國、日本等逾百個傳媒平台直播或轉播,包括內地的中央電視台及新華社、美國CNN、英國BBC等,估計覆蓋人次超過二十四億。