又關政治事?】內地巡唱暫停 謝安琪-好內疚

kay_01
謝安琪四月會喺於紅館舉行世界巡迴演唱會香港站,記者會上好友方大同突然現身支持,氹到Kay好開心:「呀!咁衰嘅你!搞錯呀!成日扮忙!」司儀問方大同到時會唔會擔任嘉賓?方大同即時將個「責任」推畀Kay:「我一定到,如果我可以嘅話。」

Kay接受訪問時話十周年演唱會好有意義,雖然香港站暫定開兩場,但希望可以加爆佢。Kay又話,老公張繼聰到時仲拍緊劇,未必請到假,佢嚟到睇已經好開心,至於囝囝亦未必會上台:「因為佢大個咗,成8、9歲,呢啲年紀好難估佢心情,佢前一刻應承你,可能轉頭又會反口,如果佢真係想上台跳我都畀嘅,但唔好跳太勁囉。」

Kay又透露之前有機會喺內地舉行超過十場巡唱,但現時卻全部叫停:「我自己都好唔開心,有因為咁而喊過,我知好多歌迷都好失望,我覺得同歌迷嘅承諾兌現唔到,好內疚。」佢又話唔知係因乜原因要暫延巡唱:「好多原因,我冇深究,希望有part 2,到時再去過。」

講到Kay演唱會後會休息一年,佢話因為之前爆過肺,花咗好幾年先好番,又想珍惜多啲同屋企老人家相處嘅時間,放假嘅呢一年都會奉獻晒畀屋企人。

kay3 kay2