【6分鐘賣晒】趙學而處女騷加場還飛債

歌手趙學而將於下月13日,於九展舉行入行22年首個演唱會,門票今日十時公開發售,短短6分鐘便火速售罄,學而到電台宣傳時宣布於11月14加開1場,她說:「終於可以還番啲飛債,最慘係順得哥情失嫂意,仲有好多屋企人都話嚟支持㖭。」學而坦言有意舉行個唱Part2,她說:「冇得再加場,今次個期都係人哋唔要放出嚟嘅,我哋先攞到咋,嚟緊申請明年紅館同九展個期,希望有機會開Part2啦。」學而強調今次個唱以靚聲為主,不會搞太多花臣。

咪買黃牛飛
由於學而與陳奕迅非常老友,問到會否邀對方做嘉賓?學而說:「嘉賓同飛債一樣,都係順得哥情失嫂意,只要當晚朋友想唱就上台一齊唱。(預咗Over Run罰錢?)邊個想違規。」對於個唱出現黃牛黨,學而無奈說:「大家真係唔好買,不過避無可避。」由於加場門票將於下周二公開發售,學而表示要視乎當日工作,才決定會否現身為歌迷打氣。

【念力成功!】門票6分鐘售罄 趙學而處女騷加開一場

早前為ViuTV劇集《瑪嘉烈與大衛系列 綠豆》演繹片尾曲《其實怕選擇》嘅趙學而,嚟緊11月13日會喺九龍灣國際展貿中心Star Hall舉行處女個唱!門票星期二十點公開發售,短短6分鐘便火速售罄!

話晒都係學而第一個演唱會,唔少買唔到飛嘅歌迷紛紛留言,希望學而可以加場,不過上月底優先訂票時,門票一樣火速售罄,面對加場嘅訴求,當時學而只係以:「#加場下話 #有場先講啦」去回應。

不過公開發售成績都咁好,似乎感動到學而,學而呢日宣佈會加開一場:「念力成功!啱啱收到消息!真係加到場啦!真真真最後14/11一場!下星期二公開發售!」仲承諾大家:「婆婆定必唱好啲回饋大家」

學而到電台宣傳時仲話,加埋今場冇得再加:「今次個期都係人哋唔要放出嚟嘅,我哋先攞到咋,嚟緊申請明年紅館同九展個期,希望有機會開Part2啦。」之後佢又係facebook上面叫大家唔好買黃牛飛。

至於加場門票就將會喺下星期二公開發售,學而話要視乎當日工作,先決定會唔會現身同歌迷打氣!

【6分鐘賣晒】趙學而處女騷加場還飛債

歌手趙學而將於下月13日,於九展舉行入行22年首個演唱會,門票今日十時公開發售,短短6分鐘便火速售罄,學而到電台宣傳時宣布於11月14加開1場,她說:「終於可以還番啲飛債,最慘係順得哥情失嫂意,仲有好多屋企人都話嚟支持㖭。」學而坦言有意舉行個唱Part2,她說:「冇得再加場,今次個期都係人哋唔要放出嚟嘅,我哋先攞到咋,嚟緊申請明年紅館同九展個期,希望有機會開Part2啦。」學而強調今次個唱以靚聲為主,不會搞太多花臣。

咪買黃牛飛

由於學而與陳奕迅非常老友,問到會否邀對方做嘉賓?學而說:「嘉賓同飛債一樣,都係順得哥情失嫂意,只要當晚朋友想唱就上台一齊唱。(預咗Over Run罰錢?)邊個想違規。」對於個唱出現黃牛黨,學而無奈說:「大家真係唔好買,不過避無可避。」由於加場門票將於下周二公開發售,學而表示要視乎當日工作,才決定會否現身為歌迷打氣。

演唱會門票

趙學而11月開處女演唱會 等足22年機會嚟啦 

入行22年的趙學而,眾所周知她是唱得之人,近年她轉戰電視界,在ViuTV的《瑪嘉烈與大衛系列 綠豆》及《三一如三》中演出,而她主唱《綠豆》的片尾曲《其實怕選擇》,動人演繹,令人不但懷念她的歌聲,更想睇到她開騷的風采,千呼萬喚,學而終於開演唱會啦,真係留名等現場聽《每隔兩秒》。

今日學而在個人Facebook專頁透露,在11月13日於九龍灣國際展貿中心Star Hall,舉行一場演唱會,又#我老人家開處女騷,同#第一次,而今次學而處女騷,門票分別是$680、$480及$380,9月27日開始優先訂票,而粉絲更紛紛留言撐學而,觀乎歌迷反應及學而只開一場個唱,肯定是一票難求,希望快快加場啦。