軒仔孖住王菀之拍廣告 點擊率突破二百萬

藝人張敬軒跟過氣緋聞拍檔王菀之(Ivana)為保險公司拍攝網上廣告片,以「動靜健康生活」為主題,廣告推出兩日,點擊率已經超過二百萬!

軒仔跟Ivana對是次合作感到十分興奮,拍攝時頂着三十幾度炎熱拍外景,兩人在燦爛陽光下自由式舞蹈多次依然精力充沛有說有笑,經常回憶起以前「情侶檔」四出跑通告、吵吵鬧鬧的日子。軒仔直言自己:「我抽到好籌,喺廣告裏我負責演繹靜態部份,食吓生果沙律擺個靚仔樣就得,睇到王菀之比我體力勞動好多,我就更加欣賞佢嘅演員身份。」

軒仔亦經常提醒身邊人注重身體健康,他自己抵抗力較弱,所以常吃蔬果、不吸煙和身體檢查全部都是他必做的事情,購買不同的保單作保障他也十分贊成。軒仔現正全速趕製個人唱片,完成之後便全心合體,為與王菀之來年的紅館演唱會準備!

張敬軒王菀之紅館開騷 未合體先互窒

張敬軒(軒仔)和王菀之(Ivana)這對好拍檔由出道至今一直有不少合作機會,今次兩人攜手於明年2月16至18日在紅館舉行命名為《The Magical Teeter Totter演唱會2017》。軒仔指他們相處就好像一齊玩搖搖板,一時鬥咀、一時互攬;Ivana則表示他們一高一矮;一肥一瘦;一黑一白,加埋就是好完美絕配!不過合體紅館舉行演唱會還是第一次。

買餸煮飯仔傾心事

兩人相識多年,默契十足,今次的演唱會海報他們決定要玩味濃,以「巨人與小人」為主題,拍攝時他們不時交換角色,非常好玩。舞台上Ivana與軒仔是合作無間,私底下也是非常要好的朋友,Ivana透露他們經常約埋買餸煮飯仔傾心事,軒仔即笑說:「買餸是你同蘇生做的!」Ivana偷笑。當軒仔表示二人關係就如最佳拍檔時,Ivana即煞有介事地說:「我哋冇嘢㗎!」軒仔哈哈大笑說:「我哋芥蒂就有好多!」

兩人不停互窒整蠱

服裝方面設計師特別安排兩人穿情侶間條睡衣,又在布景的迷你牀上玩打交又互窒,軒仔被Ivana激到要除拖鞋掟她,她就立即躲避,令現場充滿笑聲。其中軒仔穿上一件花碌碌中褸,頭戴紳士高帽,他笑對Ivana說:「我這個造型好靚,件褸有500朶非洲菊做,真是好似開菊展咁呀!」Ivana則笑軒仔是谷氣才真!Ivana表示,他們的巨人和小人的角色是會交換來拍攝,她自覺是飾演平日輕盈的她一樣。軒仔卻反問Ivana:「乜你真係覺得自己好輕盈?!」Ivana自滿的說:「我係Fit咗!」雖然他們不停互相整蠱和互窒,不過那份默契,又確是難得。

張敬軒王菀之獻唱《友誼的小船》 希望透過歌曲珍惜身邊人

張敬軒(軒仔)、王菀之(Ivana)、鄭少秋、汪明荃、陳潔靈、JW(王灝兒)、雷安娜及衛蘭等今日出席《星光熠熠耀保良》記者會,眾人在現場都呼籲各界人士於當晚慷慨解囊,共襄善舉。

明年將於紅館合體開演唱會的軒仔及Ivana,軒仔透露今次將會首度公開獻唱《友誼的小船》:「今次是Ivana寫、Wyman(黃偉文)填詞及馮翰銘製作監製,歌曲的內容是講人與人之間那種友誼,是需要大家一齊划。象徵着我同Ivana的默契和我們的友情。」看來演唱會的主題似乎是圍繞友情,軒仔就笑言:「當中都有好多情,例如有憎恨之情。其實最主要想帶出希望透過我們的經歷,好好珍惜身邊為你遮風擋雨的人。」

至於「降兩度」會否出現在演唱會中?軒仔就代「降兩度」解釋:「我知道佢忙着修甲整頭髮,未知有無期,要睇下當晚請唔請到佢。」

軒仔Ivana演唱會加場 預告大跳辣身舞回饋觀眾

        秋官鄭少秋、阿姐汪明荃、張敬軒及王菀之等出席《星光熠熠耀保良》記者會,秋官及阿姐透露明年5及8月分別在紅館舉行50周年演唱會,至於會否互做嘉賓?他們就話要夾時間。

  而後輩張敬軒及王菀之,亦會在明年初合辦演唱會,反應非常熱烈,日前已經宣布要加開一場,共開4場,他們更透露有辣身舞環節,軒仔笑言目標跳得勁過郭富城。

相識多年冇避忌 張敬軒王菀之成日互寸

歌手張敬軒、王菀之明年攜手舉行演唱會,今次演唱會名命為「The Magical Teeter Totter」,王菀之解釋是搖搖板的意思,她說:「就好似我同軒仔嘅恩怨情仇,認識多年到今天依然可以一齊,就好似叫做上咗船但未反艇。」軒仔笑言不幸之中大幸,軒仔說:「仲係好安全喺搖搖板,兩邊搖吓搖吓搵一個平衡,一段友誼都需要經營同平衡。」

兩人表示今次演唱會希望帶出快樂精神,由拍攝宣傳海報到錄演唱會主題曲,成個過程都是非常開心,所以演唱會都想貫徹做到開開心心,軒仔說:「《友誼的小船》成首歌好似兒歌,好易上口,但希望粉絲細細品味。其實啲詞好深遠,係講友誼、人與人嘅關係,會因物質、社會風氣而變得脆弱,大家要用真誠態度對待朋友。」

兩人認識多年,平日雖愛頂嘴互寸,但在工作會各有意見,軒仔即笑說:「我個人好順得人。」王菀之則笑說:「我Feel到火藥味就會停。」軒仔笑說:「我哋太熟,說話唔使修飾過。」軒仔表示反而身邊人才最受折磨,演唱會監製對住他們兩件極品,都願望接他們個騷來做,可見大家的基礎打得好。

相識多年冇避忌 張敬軒王菀之成日互寸

歌手張敬軒、王菀之明年攜手舉行演唱會,今次演唱會名命為「The Magical Teeter Totter」,王菀之解釋是搖搖板的意思,她說:「就好似我同軒仔嘅恩怨情仇,認識多年到今天依然可以一齊,就好似叫做上咗船但未反艇。」軒仔笑言不幸之中大幸,軒仔說:「仲係好安全喺搖搖板,兩邊搖吓搖吓搵一個平衡,一段友誼都需要經營同平衡。」

兩人表示今次演唱會希望帶出快樂精神,由拍攝宣傳海報到錄演唱會主題曲,成個過程都是非常開心,所以演唱會都想貫徹做到開開心心,軒仔說:「《友誼的小船》成首歌好似兒歌,好易上口,但希望粉絲細細品味。其實啲詞好深遠,係講友誼、人與人嘅關係,會因物質、社會風氣而變得脆弱,大家要用真誠態度對待朋友。」

兩人認識多年,平日雖愛頂嘴互寸,但在工作會各有意見,軒仔即笑說:「我個人好順得人。」王菀之則笑說:「我Feel到火藥味就會停。」軒仔笑說:「我哋太熟,說話唔使修飾過。」軒仔表示反而身邊人才最受折磨,演唱會監製對住他們兩件極品,都願望接他們個騷來做,可見大家的基礎打得好。

體重新高逾130磅!王菀之重過張敬軒

歌手張敬軒和王菀之(Ivana)為明年2月16至19日在紅館舉行的《張敬軒●王菀之The Magical Teeter Totter演唱會2017》開記者會,並宣布因內部訂票反應熱烈,原本三場已加開至四場,並即時公開售票。

軒仔和Ivana一向是最佳拍檔,Ivana表示兩人很久前已想開演唱會,可惜當時仍是新人未夠歌開。而Ivana為了今次演唱會,更寫了一首合唱歌,名為《友誼的小船》。她透露本來想寫一首快歌,但因怕兩人跳舞唔夠氣,故最後寫了這首歌。

自爆收軒仔半裸照

軒仔更在台上爆出兩人體重都是130磅,豈料Ivana不但未有生氣,更老實指軒仔說少了, 及自己的真實體重是136磅。事後訪問時,問到Ivana開騷前可會減磅,Ivana謂:「(減)40磅啦。(講到咁大?)講吓之嘛!自己最瘦係比依家瘦廿幾磅,都係幾年前嘅事啫。軒仔佢都好頭痛,有時好瘦,有時又好大隻,仲影埋啲半裸照send畀我睇。」

笑王菀之似唐韋琪

軒仔笑言該行為叫「留倩影」,但謂現在已不敢send,因Ivana已是人妻。軒仔謂:「之前喺網上都有叫歌迷,如果我哋嘅合照可以放上網,發現睇番啲舊相好多『整容前整容後』。我嗰時黑眼圈好黑,辛苦咗啲化妝師,因為要就我嘅黑眼圈,所以嗰時化嘅膚色都比較黑。」Ivana則笑言:「嗰時我好清純,可以唔化妝都得。」軒仔再笑道:「你瘦嗰時真係好似唐韋琪。」

問到Ivana可擔心開騷前有喜?Ivana謂:「應該唔會嘅!」軒仔即說:「咁你盡量少啲喺屋企做啲粗勞嘢囉,唔好擔擔抬抬呀!」問可會像其他演唱會一樣只推出少量門票作公開發售,軒仔表示有就相關問題向公司反映,並謂明白到演唱會要有一定數量門票留給贊助商。

向謝安琪取經 王菀之為張敬軒暫停造人

王菀之(Ivana)、Super Girls同何猷亨等,今日喺尖沙嘴出席「愛心獻保良」活動。Ivana細細個由婆婆湊大,問到將來生B後會唔會搵媽媽幫手?佢話:「自己湊好啲,想像唔到做媽媽點兼顧。母親好偉大,我媽媽同我講照顧我哋犧牲好大,我話會孝順佢。」

提到謝安琪再度懷孕,Ivana就話好戥對方開心,問佢會唔會向Kay取經?Ivana稱:「o依家度度吸收啲,我哥哥都有兩個,由手抱到幾歲我都OK。」咁係咪已ready做媽咪?佢話:「最快要演唱會後,唔係張敬軒唔肯過我,o依家要小心啲。」而Super Girls隊長Aka今日喺大台彩排時傷腳,唔小心用咪尾鋤損腳流血,隊友們仲笑Aka每次喺大台嘅舞台上就會仆倒,留下唔少傷痕,Aka話:「之前去日本仆親,做緊物理治療,可能行路重心錯,骨醫話我啲骨錯晒,希望演唱會前五個都唔好受傷。」啋!

演唱會門票

王菀之軒仔上床打交

張敬軒和王菀之(Ivana)明年2月演唱會門票,首次合體紅館開騷「The Magical Teeter Totter演唱會2017」,早前二人為演唱會拍海報扮巨人和小矮人,更被安排穿上情侶間條睡衣,在床上玩打交又互窒兼飛拖鞋,兩人見面沒有一刻寧靜,Ivana說:「件褸由500朵非洲菊做,真係好似開菊展咁呀!」雖然他們不停鬥嘴,當揀相時軒仔從後抱住Ivana,場面溫馨。